24 may – Ümumdünya Şizofreniya Günüdür

24 may Ümumdünya Şizofreniya Günüdür. Bununla əlaqədar olaraq Macarıstanın əczaçılıq şirkəti “Gedeon Richter” bu xəstəliklə bağlı maraqlı məlumatlar toplayıb: şizofreniya bütün dünyada təxminən yüz nəfərdən birində rast gəlinən və qlobal miqyasda təxminən 80 milyon insanın əziyyət çəkdiyi mürəkkəb neyropsixiatrik xəstəlikdir. Ümumi anlayışda və çox vaxt Hollivud filmlərində bu xəstəlik adətən dissosiativ şəxsiyyət pozğunluğu ilə səhv salınır. Dissosiativ şəxsiyyət pozğunluğunda xəstə “bir neçə şəxsiyyətə” sahib olur, lakin tək bu, şizofreniya demək deyil. Bu, emosional, perseptual düşüncə harmoniyasının və davranış funksiyalarının pozulmasıdır, yəni, sadə dillə desək, xəstələr çox vaxt real olmayan nələrisə görür, eşidir və ya hiss edirlər. Müasir dərmanlar və dəstəkləyici müalicə sayəsində hazırda şizofreniya kifayət qədər idarə oluna bilən xəstəlikdir və xəstələrin fəal və yararlı həyat yaşamasına imkan verir.

Şizofreniya təkcə xəstələr üçün deyil, həm də onların yaxınları üçün ağır fiziki, sosial və zehni yük yaradır. Statistikaya görə, şizofreniya xəstələrinə qulluq edən hər on qohumdan beşi və ya altısı öz işini itirməmək üçün mübarizə aparır və demək olar ki, hər ikisindən birinin isə maddi vəziyyəti əhəmiyyətli dərəcədə pisləşir. “Gedeon Richter” şirkətinin mütəxəssisləri şizofreniya ilə mübarizə aparan xəstələrin qohumları və baxıcıları üçün xüsusi olaraq hazırlanmış “Şizofreniya olduğu kimi” kitabını hazırlayıb öz saytında dərc ediblər. Kitabda onlara çətinliklərin öhdəsindən gəlməyə kömək edəcək bir sıra praktiki məsləhətlər var. Onu aşağıdakı linkdən onlayn əldə etmək olar: https://psy-health.expert/advice-and-support/how-to-help/schizophrenia-as-it-is/. “Gedeon Richter” şirkətinin fəaliyyət sahələrindən biri psixiatrik pozğunluqların müalicəsidir, məhz buna görə də, şirkət davamlı olaraq xəstələrin həyat keyfiyyətini təhlükəsiz və effektiv dərman vasitələri ilə yaxşılaşdırmağa və bununla belə həm xəstələrə, həm də onların baxıcılarına və qohumlarına şizofreniya haqqında xüsusi veb sayt vasitəsilə https://psy-health.expert/ etibarlı məlumatlar təqdim etməyə çalışır.

“Gedeon Richter” şirkəti fəxr edir ki, öz mütəxəssisləri tərəfindən şizofreniya müalicəsi üçün hazırlanmış, Macarıstanda “İlin Dərmanı” mükafatına layiq görülmüş, Avropa İttifaqının əksər üzv dövlətlərində və ABŞ-da təsdiqlənərək satılan dərman indi Azərbaycanda da mövcuddur. 2024-cü ilin aprelində Budapeştdə keçirilən 32-ci Avropa Psixiatriya Konqresində (EPA) müəlliflər indiyədək 10 dilə tərcümə edilmiş “Şizofreniya olduğu kimi” (orijinal ad “Candid Book”) kitabını təqdim etdilər. Hazırda bu kitabın Azərbaycan versiyası üzərində iş gedir. Bundan əlavə, müxtəlif psixiatrik pozğunluqlardan əziyyət çəkən xəstələrdə simptomların ağırlıq dərəcəsini və fəaliyyət qabiliyyətinin itirilməsini müəyyən etməyə və vizuallaşdırmağa psixiatrlara imkan verən “Gedeon Richter” mütəxəssisləri tərəfindən hazırlanmış transdiaqnostik alət də təqdim edilmişdir.