Ədliyyə Nazirliyinin tibb xidmətinə qulluğa qəbulla bağlı müsabiqə davam edir

Ədliyyə Nazirliyi tibb xidmətinin kadr korpusunun müsabiqə və şəffaflıq əsasında yüksək hazırlıqlı və zəruri peşə keyfiyyətlərinə malik kadrlarla komplektləşdirilməsi üzrə tədbirlər davam etdirilir.

“Ədliyyə orqanlarında qulluq keçmə haqqında” Azərbaycan Respublikası Qanununun tələblərinə cavab verən təcrübəli həkim-terapevt, həkim-anestezioloq-reanimatoloq, həkim-otolarinqoloq, həkim-travmatoloq, həkim-cərrah, həkim-psixiatr, həkim-nevropatoloq, həkim-laborant, feldşer, laborant, tibb bacısı (qardaşı) ixtisasları üzrə işləmək hüququna malik Azərbaycan Respublikasının vətəndaşları tibb xidmətində çalışmaq üçün müsabiqəyə dəvət olunur.

Bildirilir ki, vakant ştat vahidləri cəzaçəkmə müəssisələrinin və istintaq təcridxanalarının tibb xidmətlərindədir.

Müsabiqədə iştirak etmək üçün sənədlər Ədliyyə Nazirliyi Tibb baş idarəsinin inzibati binasında qəbul olunur (ünvan: Bakı şəhəri, Nərimanov rayonu, Ceyhun Hacıbəyli küçəsi 16 və 18)

email: medical.department@justice.gov.az

tel.: (012) 493-30-91

        (012) 493-06-50

Ədliyyə Nazirliyi